თემა-ნოდარ დუმბაძის „სისხლი“-მე-7 კლასი

გაკვეთილის მიზანი:

·        ტექსტზე დაყრდნობით პერსონაჟთა დახასიათების,მწერლის სათქმელის ამოცნობის უნარ-ჩვევების განვითარება.

·        მხატვრული საშუალებებისა და ენობრივი კონსტრუქციების სწორად გადმოცემის უნარ-ჩვევების განვითარება.

აქტივობები:

·        ნასწავლი მასალის შეჯამება /ანალიზი/

·        პრეზენტაცია

·        პრეზენტატორების შეფასება - თვითშეფასება

·        განმსაზღვრელი შეფასება

გაკვეთილის მსვლელობა:

                     აქტივობა I /დრო-5 წთ/

                  მონაწილეობს მთელი კლასი

დავსვამ კითხვებს:

·        რაზე მიგვანიშნებს ავტორის სიტყვა „ფიქრები“,რომელსაც ხშირად იმეორებს ნაწარმოებში?

·        გაიხსენეთ  თქვენთვის საინტერესო ეპიზოდები ნოდარ დუმბაძის ცხოვრებიდან.

              

                  აქტივობა II

ჯგუფური მუშაობა 10 წთ

·        ჯგუფის წევრებს დაურიგდებათ კითხვები,შეაჯამებენ ნასწავლ მასალას;შეასრულებენ გრამატიკულ წერით დავალებებს.

ჯგუფი #1

-როგორ ფიქრობთ,რაიყო ბიჭის სევდის მიზეზი,გადმოეცით მისი შორეული ფიქრები?

-გამოკვეთეთ რას საყვედურობს ბებია შვილიშვილს,რაში არწმუნებს იგი ქიშვარდი ბაბუას?

-იულიას აზრით,რის საფუძველზე შეიძლება გამოსწორებულიყო შვილიშვილი და რას ფიქრობს ცაცხვის ძირში მდგომი ბიჭი?

-რა აწუხებს ყველაზე ძალიან ბაბუას?

ჯგუფი #2

-რას ფიქრობდა ინტაბუეთის გზაზე მიმავალი ბიჭი?

-იგრძნო თუ არა შვილიშვილის ფიქრები ბაბუამ?

-„უნდა მიეჩვიო აწი,ბაბუა,ფიქრს,დროა!“-თქვა მოხუცმა-რაზე მიგვანიშნებს ეს სიტყვები?

-„ბიჭი კვლავ კისერში გრძელთოკჩაბმულ ბოჩოლასავით აედევნა უკან“-რატომ მოყავს შედარების ეს მაგალითი ავტორს?

ჯგუფი #3

-ახსოვდა თუ არა ბიჭის დედა,გადმოეცით მისი ფიქრები:“როგორ დაბერებულა ამ ერთ წელიწადში....“

-რა მიზნით და რა დროში მოაკითხა ბებიამ შვილიშვილს,რა იყო ის დიდი გრძნობა, რისი მიზეზითაც მოინახულებს ბებია ბიჭს?

-რა აწუხებს ყველაზე ძალიან ბაბუას?

ჯგუფი #4

-ავტორი ამბობს:“....ეს არიყო მიღება-ჩაბარების აქტი,ეს იყო ბიჭის გამო ადუღებული ორი სისხლის ჭიდილი და ორი გულის ქვითინი...“

განმარტეთ(გააანალიზეთ)რას ნიშნავს ეს სიტყვები?

-ჩამოაყალიბეთ ბაბუას გადაწყვეტილება

-ვის ნერგს უწოდებს ბებია შვილიშვილს,როგორ გესმით სიტყვა “ნერგო“?

-გადმოეცით ბაბუას განცდა

ჯგუფი #5

-მარტო დარჩენილი მოხუცი ღრმა ფიქრებში იყო.რას ფიქრობდა იგი როცა კარი შემოაღო შვილიშვილმა?

-შუაღამისას შვილიშვილი ბაბუასან დაწვა,კედლისკენ მიბრუნებულ ბაბუას ზურგზე მიეკრო.“რა ცივია საწყალი ბაბუა“-გაიფიქრა შვილიშვილმა,“რა თბილია ეს მამაძაღლი“-გაიფიქრა ბაბუამ?

-ბაბუას აზრით, რამ მოიყვანა შვილიშვილი?

-რატომ ამბობს ავტორი:“მხოლოდ სისხლი ლაპარაკობდა და ფიქრობდა,ხოლო რას ლაპარაკობდა და რას ფიქრობდა სისხლი,ღმერთმა უწყის“?

გრამატიკული დავალება

ჩაწერეთ ცხრილის პირველ გრაფაში მოცემული ზმნების საწყისი ფორმა.

	ვაშენებ	ავაშენებ	ავაშენე	ამიშენებია
	ვაბამ	დავაბამ	დავაბი	დამიბამს
	ვკერავ	შევკერავ	შევკერე	შემიკერავს
	ვტეხ	გავტეხ	გავტეხე	გამიტეხია
	ვრეკავ	დავრეკავ	დავრეკე	დამირეკავს

                             აქტივობა III-15 წთ

პრეზენტაცია:

·        პრეზენტატორების მიერ კითხვა-პასუხების ჩამოყალიბება,ჯგუფის ნამუშევრების გამოფენა

                         აქტივობები

·        დამატებითი კითხვები-5წთ

-რა რის ნაწარმოები დედააზრი?

-თქვენ რომელ პერსონაჟს თანაუგრძნობთ ყველაზე მეტად და რატომ?

-არის თუ არა ,თქვენი აზრით,ბაბუა ბიჭისთვის მისაბაძი პიროვნება და ვინ არის  მისაბაბაძი პიროვნება თქვენს ოჯახში ?

·        პრეზენტატორების შეფასება-3 წთ

·        გრამატიკული დავალებების შემოწმება-3წთ

·        გაკვეთილის შეჯამებ-შეფასება-2წთ

·        საშინაო დავალება /წერითი/-2წთ

„ერთი ეპიზოდი ჩემი ოჯახის ცხოვრებიდან“